کاکول۔18اکتوبر (اے پی پی) فیلڈ مارشل سید عاصم منیر آکھیا جو پاکستان دے قیام توں ہݨ تئیں، افواجِ پاکستان قوم دی مکمل حمایت دے نال، وطن عزیز دے بیرونی اتے اندرونی دفاع اچ کوئی کسر نئی چھوڑی، اساں وردی اچ موجود لوک ہمیشہ پاکستان دے عوام اتے ریاست دی ترقی اتے خوشحالی اتے ایں عظیم ملک دی نظریاتی اتے جغرافیائی سرحداں دے دفاع کیتے تیار ہیسے اتے تیار رہسوں، اڄوکی پاک بھارت جنگ اچ پاکستان عددی طور تے وݙے دشمن دے خلاف آپݨی واضح جت پاروں نہ صرف پاکستانی عوام بلکہ عالمی برادری دا وقار اتے داد حاصل کیتی، اگر دشمن ولوں جارحیت دی کوشش کیتی ڳئی تاں پاکستان دشمن دی توقعات توں کتھائیں ودھ سخت جواب ݙیسی، دشمن کوں ݙتے ڳئے فوجی و اقتصادی نقصانات بھارت دی توقعات توں کتھائیں زیادہ ودھ کر ہوسن، افغانستان اچ موجود پراکسیاں پاکستان دے اندر بھیانک حملے کرݨ کیتے افغان سرزمین استعمال کریندن، پاکستان ملٹری اکیڈمی دی پاسنگ آؤٹ پریڈ دا معائنہ کرݨ میݙے کیتے انتہائی اعزاز اتے فخر اے، پاکستان دا جھنڈا انشاء اللہ بُلند راہسی کیوں جو ایں دی محافظ پاکستانی قوم اے جو کݙاہیں ناکام نئی تھیندی، پاکستان دے چین، امریکا اتے اسلامی ملکاں دے نال تعلقات ٻئے مستحکم تھین، پاکستان کشمیر تے آپݨے اصولی موقف تے ثابت قدم اے، اڄوکے معاہدے دے بعد توقع اے جو فلسطینی آپݨے وطن اچ امن نال رہہ سڳسن۔ فیلڈ مارشل سید عاصم منیر (نشان امتیاز ملٹری، ہلالِ جرات) ہفتہ کوں اتھاں پاکستان ملٹری اکیڈمی دی پاسنگ آؤٹ پریڈ نال خطاب کریندے پئے ہن۔ فیلڈ مارشل سید عاصم منیر آپݨے تاریخی اتے غیر مبہم خطاب اچ آکھیا جو پاکستان ملٹری اکیڈمی دی پاسنگ آؤٹ پریڈ دا معائنہ کرݨ میݙے کیتے انتہائی اعزاز اتے فخر دا باعث اے، میں بنگلہ دیش، عراق، مالی، مالدیپ، نائیجیریا، نیپال، فلسطین، قطر، سری لنکا اتے یمن توں تعلق رکھݨ آلے کیڈٹس کوں وی ایں عظیم ادارے توں تربیت مکمل کرݨ تے مبارکباد پیش کرینداں، پاکستان دے قیام توں ہݨ تئیں، افواجِ پاکستان قوم دی مکمل حمایت دے نال، وطن عزیز دے بیرونی اتے اندرونی دفاع اچ کوئی کسر نئی چھوڑی۔ فیلڈ مارشل آکھیا جو اڄوکے آپریشن ’’معرکۂ حق/ بنیان مرصوص‘‘ اچ افواجِ پاکستان آپݨی پیشہ ورانہ مہارت اتے عزم نال دشمن کوں شکست ݙے تے قوم دا اعتماد ٻیا مستحکم کیتے، ازلی دشمن دے خلاف انتہائی پیشہ ورانہ انداز اچ کارروائیاں کریندیں ہوئیں رافیل طیاریاں کوں مار سِٹیا ڳیا، دشمن دیاں کئی بیسز بشمول ایس-400 سسٹمز کوں نشانہ بݨایا ڳیا اتے پاکستان ملٹی ڈومین وارفیئر دی صلاحیتاں دا وی بھرپور مظاہرہ کیتا۔ فیلڈ مارشل آکھیا جو اللہ دے فضل اتے قومی عزم دے نال، اساں من حیث القوم متحد تھی تے سیسہ پلائی ہوئی کندھ وانگوں دشمن دا مقابلہ کیتا، پاکستان ہک واری ولوں ہک ایہو جہے دشمن دے خلاف کامیابی حاصل کیتی جو آپݨی گمراہ کن بالادستی دے غرور اچ مبتلا ہا، بھارت جلدی اچ الزام تراشی کیتی اتے غیر جانبدارانہ تحقیقات توں پرہیز کیتا، بھارت دا خود ساختہ ثبوت پیش کرݨ ایں ڳالھ دی علامت اے جو بھارتی حکمران جماعت آپݨے مذموم مقاصد کیتے دہشت گردی کوں سیاسی رنگ ݙتا۔ فیلڈ مارشل آکھیا جو پاکستان عددی طور تے وݙے دشمن دے خلاف آپݨی واضح فتح دی بدولت نہ صرف پاکستانی عوام بلکہ عالمی برادری دا وقار اتے داد حاصل کیتی، نینگراں اچ اے اعتماد وی مضبوط تھیا جو پاکستان دی مسلح افواج قومی طاقت دا ہک بنیادی ستون ہن۔ فیلڈ مارشل آکھیا جو او قوم کوں یقین ݙوینن جو انشاء اللہ، اساں ایں مقدس سرزمین دا ہک انچ وی دشمن دے حوالے نہ تھیوݨ ݙیسوں، میں نہایت فخر نال پاکستانی عوام دے حوصلے کوں سلام پیش کرینداں، ہر سپاہی، سیلر، فضائیہ دے جواناں، بہادر مرداں، تریمتاں، ٻالاں اتے وݙیاں جنہاں انہاں اوکھے حالات اچ آپݨی جاناں دا نذرانہ ݙتا انہاں کوں خراج عقیدت پیش کریندوں، انہاں غازیاں کوں وی خراجِ تحسین پیش کرینداں جنہوں مادرِ وطن دے دفاع کیتے اے جنگ لڑی، قومی قیادت، بیوروکریسی، علما، سائنسدان، میڈیا اتے تعلیمی شعبے توں تعلق رکھݨ آلے بندے خراجِ تحسین دے مستحق ہن۔ فیلڈ مارشل آکھیا جو اساں شہیداں اتے انہاں دے اہلِ خانہ دے بے حد شکر گزار اتے قرضدار ہیسے، جنہاں دی قربانیاں پاروں اڄ اساں آزادی دی زندگی گزریندے پئیوں۔ فیلڈ مارشل پاس آؤٹ تھیوݨ آلے کیڈٹس کوں آکھیا جو تساں شہیداں دے وارث ہو، آپݨی زندگی کوں انہاں دیاں قربانیاں دے لائق بݨاؤ، تساں کوں فخر ہووݨا چاہیدا جو تساں دنیا دی ہک عظیم اتے باوقار فوج دا حصہ بݨݨ ویندے پئیو، میں بھارتی فوجی قیادت کوں مشورہ ݙیندا ہاں اتے سختی نال خبردار کرینداں جو نیوکلیئر انوائرمنٹ اچ ݙوہیں ملکاں وچال جنگ کیتے کوئی گنجائش کائنی، پاکستان دے نال بنیادی مسئلیاں کوں بین الاقوامی اصولاں دے مطابق برابری اتے آپس دے احترام دی بنیاد تے حل کرو۔ انہاں بھارت کوں مخاطب کریندے ہوئیں آکھیا جو اساں تہاݙی بیان بازی توں کݙاہیں نہ ݙرسوں اتے کہیں وی قسم دی چھوٹی جیہی اشتعال انگیزی دا وی فیصلہ کن جواب ݙیسوں، آوݨ آلی کشیدگی دی ذمہ داری، جو جو آخر کار پورے خطے اتے ایں توں باہر کیتے تباہ کن نتائج دا باعث بݨ سڳدی اے، پوری طرح نال بھارت تے عائد تھیسی، دنیا سیاسی مقاصد دے حصول کیتے تشدد دے استعمال، جہیں محرکات دی واضح تبدیلی ݙیکھدی پئی اے۔ فیلڈ مارشل آکھیا جو پاکستان ایران دے نال مذاکرات دے پرامن عمل اچ وی کردار ادا کیتے، ݙوجھے سارے مسلم ملکاں دے نال اساݙے تعلقات تیزی نال ودھدے پئن، سب توں اہم ڳالھ اے ہے جو اساں چین دے نال آپݨی تاریخی اتے اسٹریٹجک تعاون تے مبنی شراکت داری اتے دوستی تے فخر کریندوں، امریکا دے نال مضبوط اتے ودھدے ہوئے تعلقات کوں ولا چالو کرݨ ہک حوصلہ افزا اتے خوش آئند پیش رفت اے، انہاں آکھیا جو دنیا دے کئی تنازعیاں دے شکار علاقیاں اچ امن قائم کرݨ کیتے صدر ٹرمپ دی ذاتی کوششاں اتے اسٹریٹجک لیڈرشپ واقعی قابل تعریف اے، اساں امن، سلامتی اتے ترقی دے مفاد کیتے اہم عالمی اتے علاقائی رہنماواں دے نال انہاں تعلقات کوں ٻیا ودھیسوں۔ فیلڈ مارشل آکھیا جو آپریشن معرکہ حق اچ پاکستان دے خلاف آپݨی جارحیت اچ ناکامی دے بعد بھارت ریاستی سرپرستی اچ دہشت گردی کوں ترجیحی پالیسی دے طور تے جاری رکھیے ہوئے، اساݙے دشمن دا فتنہ الہندوستان اتے فتنہ الخوارج کوں “ہائرڈ گنز” دے طور تے استعمال کرݨ ایں دے بزدلانہ، منافقانہ اتے بھیانک چہرے کوں دنیا دے سامݨے بے نقاب کریندے، پاکستان اچ دہشت گردی کیتے افغان سرزمین دا استعمال وی اُتنا ای پریشان کن اے، اساں افغانستان دے لوکاں تے زور ݙیندوں جو او دائمی تشدد دی بجائے آپس دی سلامتی دا انتخاب کرن اتے سخت گیر تعصب تے پیش رفت کرن، طالبان حکومت کوں انہاں پراکسیاں تے لغام ݙیوݨی چاہیدی اے، انہاں آکھیا جو یقین رکھو جو روایتی میدان اچ جت وانگوں اساݙے پڑوسی دی ہر ریاستی پراکسی کوں مٹی اچ ملا ݙتا ویسی، اساں اسلام دی غلط تشریح کرݨ آلے مُٹھی بھر گمراہ دہشت گرداں دے سامݨے کݙاہیں نہ جُھکسوں۔ فیلڈ مارشل آکھیا جو دنیا ہن آخر کار فلسطینیاں تے اسرائیلی جارحیت، نسل کشی اتے جبری بے گھر تھیوݨ دا نوٹس گھیدا، ایں جنگ دی وجہ توں تریمتاں، ٻالاں اتے بڈھیاں سمیت ہزاراں بے گناہ فلسطینی شہری شہید تھی ڳئن، سفارتی میدان اچ پاکستان دی مسلسل کوششاں غزہ اچ امن دے حالیہ اقدام کوں اڳوں ودھاوݨ اچ اہم کردار ادا کیتے، اساں کوں امید اے جو ایں نال خطے اچ پائیدار امن اتے استحکام آسی۔ فیلڈ مارشل آکھیا جو پاکستان توقع کریندے جو جنگ بندی جاری راہسی جئیں دے بعد غزہ دی انسانی بنیاداں تے امداد اتے تعمیر نو دا عمل جاری راہسی، توقع اے جو فلسطین دے لوک آ??ݨے وطن اچ امن نال رہہ سڳسن، تنازعے دے منصفانہ حل کیتے پاکستان ݙو ریاستی حل دی ناگزیریت اتے 1967 دی جنگ توں پہلے دی سرحداں تے القدس الشریف دے دارالحکومت دی بنیاد تے فلسطین دی ہک آزاد، خود مختار اتے قابل عمل ریاست دی لوڑھ تے آپݨے اصولی موقف تے قائم اے۔ انہاں آکھیا جو سفارتی، اقتصادی اتے عسکری کامیابیاں اتے صلاحیتاں پاکستان کوں انشاء اللہ ترقی دی بلند منزلاں تئیں گھن ویسن، یاد رکھو جو اساݙا پندھ اڄاں پورا نئی تھیا، دشمن اڄ وی بے چین اے پر اساݙا عزم تے ہمت وی ایویں ہی مضبوط اتے پکا اے، اساں وردی اچ موجود لوک ہمیشہ پاکستان دے عوام اتے ریاست دی ترقی اتے خوشحالی اتے ایں عظیم ملک دی نظریاتی اتے جغرافیائی سرحداں دے دفاع کیتے تیار ہیسے اتے تیار رہسوں۔ فیلڈ مارشل قرآن مجید دی سورۃ الصف دی آیت نمبر 4 دا حوالہ ݙیندیں ہوئیں آکھیا جو ’’بے شک اللہ تاں انہاں کوں پسند کریندے جو ایںدی راہ اچ صف بَد٘ھ تے لڑدن جویں او سیسہ پلائی ہوئی کندھ ہووے‘‘۔ فیلڈ مارشل جنوری 1948 دے قائد اعظم دے تاریخی ارشادات دا حوالہ ݙیندیں ہوئیں آکھیا جو ’’ اساں سارے پاکستانی اتے ریاست دے شہری ہیسے، اساں کوں ریاست کیتے خدمت، قربانی اتے جان ݙیوݨی چاہیدی، تاںجو اساں ایں کوں دنیا دی سب توں شاندار اتے خودمختار ریاست بݨا سڳوں، فتح، بیان بازی توں نی بلکہ تربیت، کردار، مشکلاں اتے چیلنجاں دا مقابلہ کرݨ کیتے ثابت قدم رہݨ نال حاصل تھیندی اے۔ فیلڈ مارشل کیڈٹس کوں آکھیا جو پیشہ ورانہ مہارت، نظم و ضبط اتے اخلاقی قیادت کوں آپݨی شخصیت دی سنڄاݨ بݨاوݨ تے توجہ مرکوز رکھو، بدقسمتی نال ’’حقیقت دے بعد دے دور‘‘ اچ تصورات حقیقت توں زیادہ وزن رکھیندن اتے ادھ سچ حقائق توں ودھ تیزی نال پھیلدے، جعلی خبراں اتے غلط معلومات تے مشتمل ’’انفار??یش?? ڈس آرڈر‘‘ دے ذریعیاں دا شکار نہ بݨو۔ انہاں آکھیا جو میݙے سنیھے دا وݙا مقصد ہک یقین دہانی اے جو ’’پاکستان دی صلاحیت اتے ودھدے ہوئے مقام کوں سامݨے رکھیندیں ہوئیں اساں کوں چیلنجز دا حوصلے اتے عزم دے نال مقابلہ کرݨا پوسی، اے اساݙا فرض اے جو اساں آپݨے ملک کوں ایںدی سِدھی منزل آلے پاسے گھن ون٘ڄوں۔ فیلڈ مارشل آکھیا جو پاکستان دا جھنڈا انشاء اللہ بُلند راہسی کیوں جو ایں دی محافظ پاکستانی قوم اے جو کݙاہیں ناکام نئی تھیندی۔ انہاں آپݨے خطاب دے چھیکڑ اچ ہک واری ولا پاس آؤٹ تھیوݨ آلے کیڈٹس کوں مبارک باد پیش کیتی۔
.jpg)
