دوحہ۔16ستمبر (اے پی پی) وزیر اعظم محمد شہباز شریف اتے قطر دے امیر ش??خ تمیم بن حمد الثانی وچال ملاقات تھی ڳئی، وزیر اعظم آکھیا جو 9 ستمبر کوں اسرائیل دے ح??لے کوں قطر دی خود مختاری اتے علاقائی سالمیت دی کھلی خلاف ورزی اتے بین الاقوامی قانون دی سنگین پامالی قرار ݙتا۔ پی ایم آفس دے میڈیا ونگ ولوں جاری بیان دے مطابق وزیر اعظم محمد شہباز شریف قطر تے اسرائیل دے اڄوکے ح??لے دے بعد دوحہ اچ سݙیے ڳئے ہنگامی عرب اسلامی سربراہی اجلاس دے موقع تے قطر دے امیر ش??خ تمیم بن حمد الثانی نال ملاقات کیتی، نائب وزیر اعظم تے وزیر خارجہ سینیٹر محمد اسحاق ڈار اتے مسلح افواج دے سربراہ فیلڈ مارشل سید عاصم منیر وی ملاقات اچ موجود ہن۔ ملاقات اچ وزیر اعظم 9 ستمبر کوں دوحہ دے رہائشی علاقے تے اسرائیلی ح??لے دی پاکستان ولوں شدید مذمت دا ولوں وعدہ کیتا جئیں دے نتیجے اچ قیمتی جاناں دا ضیان تھیا اتے بہوں لوک زخمی تھی ڳئے۔ ایں نازک ویلھے اچ قطر دے نال پاکستان دی ہر ممکن مدد اتے یکجہتی دا وعدہ کریندیں ہوئیں وزیراعظم 9 ستمبر کوں اسرائیل دے ح??لے کوں قطر دی خود مختاری اتے علاقائی سالمیت دی کھلی خلاف ورزی اتے بین الاقوامی قانون دی سنگین پامالی قرار ݙتا۔ گزریل ھفتے دوحہ دے دورے اچ امیر قطر نال آپݨی حالیہ ملاقات دا ذکر کریندیں ہوئیں وزیراعظم آکھیا جو پاکستان اتے قطر دے برادرانہ، تاریخی اتے پائیدار تعلقات آندے ݙینھاں اچ ٻئے مضبوط تھیسن۔ وزیراعظم مشرق وسطی اچ اسرائیل دی جارحیت کوں تیکھے روکݨ اتے مسلم امہ دے اتحاد تے زور ݙتا۔ ایں سلسلے اچ انہاں قطر ولوں دوحہ اچ ہنگامی عرب اسلامی سربراہی اجلاس کراوݨ دے فیصلے کوں وی سراہیا۔ وزیر اعظم آکھیا جو قطر دی درخواست تے پاکستان مشرق وسطی دی خراب تھیوݨ آلی صورتحال تے ڳالھ مہاڑ کیتے اقوام متحدہ دی سلامتی کونسل دا ہنگامی اجلاس کراوݨ دی درخواست کیتی ہئ??۔ امیر قطر ہنگامی عرب اسلامی سربراہی اجلاس اچ وزیراعظم دی شرکت دے نال نال ایں اوکھے ویلھے اچ قطر نال اظہار یکجہتی کیتے 12 ستمبر کوں دوحہ دے دورے کوں سراہیا۔ ݙوہیں رہنماواں خطے دی اڳوں ودھدی صورتحال پاروں رابطے اچ رہݨ تے اتفاق کیتا۔
.jpg)
