راولپنڈی ۔ 11 ستمبر (اے پی پی) 9 اتے 10 ستمبر کوں خیبر پختونخوا دے مختلف علاقیاں اچ سکیورٹی فورسز دے ترائے مختلف آپریشنز اچ بھارتی پراکسی “فتنہ الخوارج” توں تعلق رکھݨ آلے 19 خارجی واصل جہنم کیتے گئن۔ آئی ایس پی آر ولوں جاری پریس ریلیز موجب فتنہ الخوارج دی موجودگی دی اطلاع ??ے سکیورٹی فورسز ضلع مہمند دے علاقے گلونوں اچ انٹیلیجنس دی بنیاد تے آپریشن کیتا۔ کارروائی اچ سکیورٹی فورسز خارجیاں دے ٹکاݨے کوں مؤثر طریقے نال نشانہ بݨایا اتے شدید فائرنگ دے تبادلے دے بعد بھارت دے ح??ایت یافتہ 14 خارجی واصل جہنم کر ݙتے گئن۔ ایں طرحاں دا ھک ٻیا انٹیلیجنس بیسڈ آپریشن شمالی وزیرستان ??ے عمومی علاقے دتہ خیل ??چ کیتا ڳیا جتھاں فائرنگ دے تبادلے اچ ٻئے 4 خارجی سکیورٹی فورسز دے ہتھیں انجام کوں پڄے۔ ضلع بنوں اچ تھیوݨ آلے ھک ٻئے مقابلے اچ ھک خارجی کوں سکیورٹی فورسز واصل جہنم کیتا۔ بھارت دے ح??ایت یافتہ انہاں ہلاک تھیوݨ آلے خارجیاں توں اسلحہ اتے گولہ بارود وی برآمد کیتا ڳیا ۔ آئی ایس پی آر دے مطابق اے دہشت گرد علاقے ??چ کئی دہشت گرد کارروائیاں اچ ملوث رہین۔ علاقے ??چ کہیں وی بقیہ خارجی دے خاتمے کیتے کلیئرنس ا??ے سرچ آپریشنز جاری ہن کیونجو پاکستان ??ی سکیورٹی فورسز ملک توں بھارتی حمایت یافتہ دہشت گردی دے ناسور کوں منڈھوݨ مکاوݨ کیتے پرعزم ہن۔
