اسلام آباد۔22اکتوبر(اے پی پی) نائب وزیراعظم اتے وزیر خارجہ سینیٹر محمد اسحاق ڈار دی دعوت تے جمہوریہ پولینڈ دے نائب وزیراعظم اتے وزیر خارجہ رادوسلو سکورسکی (اڄ) جُمے کوں پاکستان دا ݙو ݙینھ دا سرکاری دورہ کریسن۔ دفتر خارجہ موجب اے رادوسلو سکورسکی دا پاکستان دا ݙوجھا سرکاری دورہ ہوسی۔ انہاں دا پچھلا دورہ 2011 اچ تھیا ہئی۔ دورے دے دوران نائب وزیراعظم اتے وزیرخارجہ محمد اسحاق ڈار پولینڈ دے آپݨے ہم منصب نال ون آن ون ملاقات دے نال وفد دی سطح تے ڳالھ مہاڑ کریسن۔ امید اے جو ݙوہیں فریق ݙو طرفہ تعلقات دے پورے سپیکٹرم تے ڳالھ مہاڑ کریسن۔ مذاکرات دے بعد ݙوہیں ملکاں دے نائب وزراء اعظم سانجھی پریس کانفرنس نال خطاب کریسن۔ نائب وزیراعظم اتے وزیر خارجہ سکورسکی دا دورہ پاکستان اتے پولینڈ دے تعلقات اچ ہک ??ہم سنگ میل اے۔ پاکستان ݙوہیں ملکاں دے آپت د?? مفاد کیتے پولینڈ دے نال تعاون ودھاوݨ کیتے پرعزم اے۔
.jpg)
