اسلام آباد۔25اگست(اے پی پی)وزیراعظم محمد شہباز شریف دی خصوصی ہدایت تے غزہ کیتے علامہ اقبال انٹر نیشنل ایئر پورٹ لاہور توں 100 ٹن امدادی سامان دی 21 ویں کھیپ خصوصی پرواز تے ٻھڄوا ݙتی ڳئی اے، امدادی سامان اچ راشن بیگز، تیار کھانا اتے ڈبہ بند فروٹ شامل ہن۔ این ڈی ایم توں جاری بیان دے مطابق وزیراعظم محمد شہباز شریف دی خصوصی ہدایت تے پاکستان ولوں غزہ کیتے مزید امدادی سامان ٻھڄوایا ویندا پئے۔ غزہ کیتے امدادی سامان سانڳے مزید 412 ٹن امدادی سامان پنڄ پروازاں تے ٻھڄوایا ڳئے۔ علامہ اقبال انٹر نیشنل ایئر پورٹ لاہور توں 100 ٹن امدادی سامان تے مشتمل مجموعی طور تے 21ویں کھیپ خصوصی پرواز تے ٻھیڄی ڳئی اے، 21ویں کھیپ اچ 100 ٹن امدادی سامان بشمول راشن بیگز، تیار کھانا اتے ڈبہ بند فروٹ شامل ہن۔ ہݨ تئیں 21امدادی کھیپاں دے ذریعے بھیجی ڳئی امداد دا مجموعی وزن 2027 ٹن اے۔ ایں توں پہلے 23 اگست کوں 100 ٹن امدادی سامان تے مشتمل 19ویں کھیپ لاہور جݙاں جو چوتھی کھیپ 12 ٹن سامان نال اسلام آباد توں روانہ کیتی ڳئی۔ سامان دی روانگی دی تقریب اچ وفاقی وزیر برائے سمندر پار پاکستانیز و انسانی ترقی چوہدری سالک حسین بطور مہمان خصوصی شرکت کیتی۔ تقریب اچ حکومتی نمائندے اتے این ڈی ایم اے دے ٻئے افسران وی موجود ہن۔ وفاقی وزیر سامان دی فوری روانگی یقینی بݨاوݨ تے این ڈی ایم اے اتے ݙوجھیاں فلاحی اداریاں دیاں کوششاں دی تعریف کیتی اتے انہاں دا شکریہ ادا کیتا۔ انہاں عزم دوہرایا جو پاکستان ایں اوکھے ویلھے اچ فلسطین دے عوام دے نال کھڑے اتے انہاں دیاں لوڑھ پوری کرݨ دی ہر ممکن کوشش کریسی۔
.jpg)
