اسلام آباد۔9جنوری(اے پی پی):قومی ادارہ صحت ( این آئی ایچ) آکھیے جو پورے ملک توں چووی گھنٹے اچ کورونا وائرس دے 17کیس رپورٹ تھئن ۔ این آئی ایچ توں جاری تھیوݨ آلے اعدادوشمار موجب پورے ملک توں 24 گھنٹے اچ 3ہزار399 کورونا ٹیسٹ کیتے ڳئن جنہاں اچوں 17 لوکاں دے ٹیسٹ مثبت آئے، ایں مدت اچ کورونا ٹیسٹاں دی مثبت شرح 0.50 فیصد رہی اے۔ ایں دوران کورونا وائرس توں ھک مریض جاں بحق جݙاں جو 20 لوکاں دی حالت تشویشناک اے ۔ملک دے مختلف شہراں اچ 24گھنٹے اچ کیتے ڳئے ٹیسٹاں اچوں کراچی اچ 183 ٹیسٹ کیتے ڳن جنہاں اچوں 3 لوکاں دے ٹیسٹ مثبت آئے تے اتھاں مثبت کیسز دی شرح1.64فیصد رہی،لاہور اچ 724 ٹیسٹاں اچوں ھک ٹیسٹ مثبت تے شرح 0.11 فیصد،پشاوراچ 302 اچوں 6 مثبت تے شرح 1.99فیصد رہی ، اسلام آباد اچ 205ٹیسٹ اچوں ھک مریض دا ٹیسٹ مثبت آئے اتھاں شرح 0.49فیصد رہی۔
.jpg)
