اسلام آباد۔10فروری (اے پی پی) چیف آف آرمی سٹاف جنرل سید عاصم منیر عام انتخابات 2024 کامیاب کراوݨ تے پوری پاکستانی قوم،نگران حکومت، سیاسی جماعتاں اتے سارے جتݨ آلے امیدواراں کوں مبارخ ݙیندیں ہوئیں آکھیا جو پاکستانی عوام دی آپݨے حق رائے دہی دے استعمال کیتے آزادانہ اتے بلا روک ٹوک شرکت، جمہوریت کیتے انہاں دے عزم دا ثبوت اے۔ اللہ کرے اے انتخابات سیاسی اتے معاشی استحکام ڳھن آؤ اتے اساݙے پیارے پاکستان کیتے امن اتے خوشحالی دا مرکز ثابت تھیون۔ چھݨ چھݨ کوں قوم دے ناں سنیھے اچ چیف آف آرمی سٹاف آکھیا جو قانون نافذ کرݨ آلے اداریاں دی قیادت اتے ادارے دی قیادت اتے اہلکار ٻہوں اوکھ دے باوجود انتخابی عمل کیتے محفوظ ماحول ٻݨاوݨ کیتے اساݙی ساریاں توں ودھ تعریف دے مستحق ہن۔ قومی میڈیا، سول سوسائٹی، سول انتظامیہ اتے عدلیہ دے ارکان دے تعمیری کردار قومی تاریخ دی ساریاں توں وݙی انتخابی مشق کراوݨ کوں ممکن ٻݨائے۔ چیف آف آرمی سٹاف آکھیا جوساری جمہوری قوتاں دی نمائندہ متحد حکومت، پاکستان دی متنوع سیاست اتے تکثیریت کوں قومی مقصد نال بہتر طریقے نال پیش کریسی۔ انتخابات اتے جمہوریت پاکستان دی عوام دی خدمت دا ذریعہ ہن۔ قوم کوں انتشار اتے ونڈ دی سیاست توں اڳوں ودھݨ کیتے مستحکم ہتھیں اتے ہک صحت بخش عمل دی لوڑھ اے۔ تقسیم دی سیاست اتے انتشار 25 کروڑ آبادی آلے ملک کیتے موزوں کائنی۔ چیف آف آرمی سٹاف آکھیا جو انتخابات جتݨ اتے ہرݨ دا مقابلہ بلکی عوام دی مینڈیٹ دا تعین کرݨ دی مشق اے۔ آرمی چیف خواہش کیتی جو اے انتخابات سیاسی اتے معاشی استحکام ڳھن آون اتے اساݙے پیارے پاکستان کیتے امن اتے خوشحالی دا مرکز ثابت تھیون۔
.jpg)
