اسلام آباد ۔ 15 مئی (اے پی پی) کابینہ دی اقتصادی رابطہ کمیٹی (ای سی سی) کوروناوائرس دی عالمگیروباءتوں متاثر تھیونڑ آلے مزدوراں تے محنت کشاں کیتے ہنگامی کیش معاونت (کرائٹیریا وطریقہ کار) دی منظوری ڈے ڈتی۔وزیراعظم عمران خان ایندے توں پہلے ایں پروگرام دا اعلان کیتا ہئی تے ای سی سی توں ایندی باضابطہ منظوری گھننڑ ضروری ہئی۔اجلاس دی صدارت وزیراعظم دے مشیربرائے خزانہ ومحصولات ڈاکٹرعبدالحفیظ شیخ کیتی۔وزیراعظم عمران خان ترائے مارچ کوں اعلان کیتا ہئی جو کورونا وائرس دی وباءنبڑنڑ کیتے وزیراعظم معاونتی فنڈ 2020 کوں انہاں مزدوراں تے استعمال کیتا ویسی ۔جنہاں دا روزگار لاک ڈاون پاروں متاثر تھئے۔ ایں اعلان اچ وزیراعظم فنڈز کوں احساس ایمرجنسی کیش پروگرام دے ذریعے ونڈنڑ دی ہدایت کیتی ہئی ۔وزیراعظم اے اعلان وی کیتا ہئی جو ہر ہک عطیہ شدہ روپے دے نال حکومت فنڈز اچ چار روپے ڈیسی ۔وزیراعظم ولوں اعلان کیتے گئے ریلیف پیکج اچ محنت کشاں کیتے 200 ارب روپے مختص کیتے گئن جیں اچوں بی آئی ایس پی کوں 75 ارب روپے مل چکن ۔
