اسلام آباد۔12جنوری(اے پی پی) وزیر خارجہ بلاول بھٹو زرداری نال چینی سفیر نونگ رونگ خمیس کوں اتھاں وزارت خارجہ اچ الوداعی ملاقات کیتی۔ ترجمان دفتر خارجہ موجب ملاقات اچ پاکستان اتے چین وچال ݙو طرفہ تعلقات، سی پیک منصوبے سودھے مختلف شعبہ جات اچ ݙو طرفہ تعاون دے ودھارے تے ڳالھ مہاڑ کیتی ڳئی۔ وزیر خارجہ پاکستان اتے چین وچال ݙو طرفہ تعلقات ودھاوݨ دے حوالے نال چینی سفیر دی خدمات دی تعریف کیتی ۔ وزیر خارجہ بلاول بھٹو زرداری ایں موقع تے چینی سفیر نونگ رونگ کیتے نیک خواہشات دا اظہار وی کیتے۔
