اسلام آباد۔21اپریل (اے پی پی):شاعر مشرق ڈاکٹر علامہ محمد اقبال دا 86 واں یوم وفات اتوار 21 اپریل کوں منایا ڳئے ۔علامہ محمد اقبال تصوّر پاکستان پیش کر تے برصغیر دے مسلماناں دی جدو جہد کوں نویں جہت بخشی۔ اوعالم اسلام دے معروف شاعر فلسفی اتے مفّکر ہن۔ ڈاکٹر علامہ محمد اقبال مسلماناں کوں غلامی دی زنجیراں بھنݨ سانڳے نسلی و فرقہ وارانہ تفریق کوں ھک پاسے رکھیندے ہوئیں ھک مٹھ تھیوں دی تلقین کیتی ۔مفکر پاکستان علامہ محمد اقبال 9 نومبر 1877 کوں سیالکوٹ اچ ڄمیے انہاں ابتدائی تعلیم سیالکوٹ اچ ڳھدی ۔ مشن ہائی اسکول توں میٹرک اتے مرے کالج سیالکوٹ توں ایف اے دا امتحان پاس کیتا۔ایندے بعد گورنمنٹ کالج لاہورتوں فلسف?? اچ ماسٹرزکیتا تے ول اعلیٰ تعلیم سانڳے انگلینڈ چلیے ڳئے جتھاں قانون دی ڈگری ڳھدی ، بعد اچ آپ جرمنی دی میونخ یونیورسٹی توں فلسف?? اچ پی ایچ ڈی دی ڈگری وی ڳھدی ۔ انہاں اوریئنٹل کا??ج لاہور ??چ تدریس دے فرائض وی انجام ݙتے تاں جو وکالت کوں مستقل پیشے دے طور ??ے اپنایا۔علامہ اقبال وکالت دے نال شعر و شاعری وی کریندے رہیے تے سیاسی تحریکاں اچ وی حصہ ڳھدا ۔1922 اچ حکومت دی طرفوں آپ کوں ’ سَر‘ دے خطاب نال نوازیا ڳیا۔علامہ محمد اقبال 1930 اچ مسلماناں سانڳے ھک انڄ وطن دا خواب ݙٹھا ۔الہٰ آباد دا مشہور ??دارتی خطبہ تاریخی حیثیت رکھیندے ایں خط?? اچ آپ پاکستان دا تصور پیش کی??ا ہئی ، انہاں اپݨی شاعری نال برصغیر دی مسلم قوم اچ جاڳݨ دی نویں روح پھوک ݙتی۔ ۔شاعر مشرق ڈاکٹر علامہ محمد اقبال قیام پاکستان توں 9 سال پہلے 21 اپریل 1938 کوں وصال فرما ڳئے تے انہاں کوں بادشاہی مسجد دے سامݨے لاہوراچ سپرد خاک کیتا ڳیا ۔
.jpg)
.jpg)
