وزیر مملکت کو ںنیشنل پاور کنٹرول سنٹر دے حکام ولوں بجلی دی ترسیل توں متعلق تفصیلی بریفنگ
اسلام آباد ۔ 10 نومبر (اے پی پی) وزیر مملکت برائے پانڑیں تے بجلی عابد شیرعلی بجلی دی لوڈشیڈنگ دے نویں پلان تے عملدرآمد داجائزہ گھنڑ سانگے اسلام آباد وچ نیشنل پاور کنٹرول سنٹر دادورہ کیتا۔ ایں موقع تے وزیر مملکت برائے پانڑیں تے بجلی کوں نیشنل پاور کنٹرول سنٹر دے حکام بجلی دی ترسیل توں متعلق تفصیلی بریفنگ ڈتی۔ وزیر مملکت ہدایت کیتی جو وزیر اعظم دے احکامات دے مطابق لوڈشیڈنگ وچ گھٹکی کوں ہر صورت اچ یقینی بنڑایا ونجے ۔انہاں آکھیا جولوڈشیڈنگ وچ گھٹکی موجودہ حکومت داچنگا ںکارنامہ ہے اتے اساں لوڈشیڈنگ کوں مکمل طور تے مکاونڑ آلے پاسے ودھدے پیوں۔انہاں آکھیا جو اے چنگی گالھ ہے جو ماضی وچ بجلی دے ترسیلی نظام توں متعلق ماہانہ سینکڑاں شکایتاں ملدیاں ہن لیکن ہنڑ اے شکایتاں مک گن اتے کہیں ویلھے اے شکایتاں بجلی دی بندش یا غیر اعلانیہ لوڈشیڈنگ دے حوالے نال ہوندیاں ہن۔ انہاں آکھیا جو ڈسٹری بیوشن دی سطح تے لوڈ شیڈنگ دی خودکار نگرانی سانگے ہک نظام وضع کیتا وینداپئے ، ایں نظام دے تحت صارفین اپنڑے فیڈراں دی لوڈ شیڈنگ دی نگرانی کرسگسن ۔انہاں ڈسایا جوجنریشن کمپنیاں اتے آئی پی پیز کنوں بجلی دی پیداوار سانگے ودھ ذخیرہ موجود ہے۔انہاں نیشنل پاور کنٹرول سنٹر دے حکام کوں ہدایت کیتی جو بجلی دی فراہمی دی صورتحال تے مسلسل اتے کڑی نظر رکھی ونجے اتے جتھاں کتھاں وی کوئی شکایت یاخامی نظر آوے تاں اینکوں وختی ٹھیک کیتا ونجے۔ بجلی دی ترسیل دے حوالے نال کہیں قسم دی وسلائی کوںبرداشت کائناں کیتا ویسی ۔
