اسلام آباد۔14نومبر(اے پی پی)مصر اچ کوپ 27 دے سربراہ اجلاس اچ موسمیاتی انصاف کیتے قیادت کرݨ اتے ایجنڈے اچ نقصانات پواوݨ پاکستان دی وݙی کامیابی اے، پاکستان امیر ممالک نال غریب ملکاں کوں ایں بحران دی تلافی کرݨ دے مطالبے دی اڳواݨی کریندا پئے جیڑھے بحران دی آپ وی وجہ کائںی۔ امریکی میگزین ”فارن پالیسی“ اپݨے مضمون اچ پاکستان اچ موسمیاتی تبدلیاں پاروں مسلسل تباہی اتے نقصانات دا ذکر کریندے شدید خطرات تے چنتا کیتے۔ آسٹریلوی صحافی اتے کالم نگار او ڈونیل لائینی مضمون اچ آکھیے جو مون سون بارشاں اتے سیلاب پاکستان دا ہک ترہائی حصہ بوڑ ݙتے جیندے نال 2 ہزار لوک موئن، کھیت تباہ تے لکھاں لوک بے گھر تھین ڄݙآں جو پاکستان دی معیشت کوں نقصانات دا اندازہ 40 ارب ڈالر تئیں لایا ڳئے۔ پچھلے ہفتے شہر شرم الشیخ اچ اقوام متحدہ دی موسمیاتی تبدیلی کانفرنس کوپ 27 اچ وزیر اعظم شہباز شریف دے خطاب بارے مضمون اچ آکھیا ڳئے جو پاکستن اینڄھی آفت وات اے جیندے اچ ایندا اپݨا کوئی ہتھ کائںی، کوپ 27 دے وائس چیئر ہوندے وزیر اعظم شہباز شریف ماحولیاتی تبدیلی دے نقصان دو دید ٻھنویندے ترقی یافتہ ممالک کوں متاثرہ ملکاں کوں موسمیاتی تبدیلیاں دے اثرات توں بچاوݨ کیتے ہتھ ونݙاوݨ تے زور ݙتے، جو او توانائی دے صاف ستھرے ذرائع دو منتقلی کیتے ہتھ ونݙاون، ۔مضمون نگار نے مزیدکہا کہ ڳھٹ ترقی یافتہ ملکاں دے موسمیاتی تبدیلیاں نال نمٹݨ دے اخراجات ونݙن جو وݙے پیمانے تے تھیوݨ آلے جانی و مالی ضیان دی بھرائی تھی سقے اتے متاثرہ لوکوں کوں سوکھ ملے۔ مضمون اچ او ڈونیئل آکھیے جو فنڈز سانڳے اعتماد سازی، شفافیت اتے نگرانی یقینی ٻݨائی ونڄے، سیاسی عدم استحکام بحالی و ترقی نئیں روک سڳدا۔ مضمون موجب کوپ 27 اندازہ لائے جو ترقی پذیر ملکاں کوں تقریباً 1 ٹریلین ڈالر سالانہ بیرونی موسمیاتی فنانسنگ دی لوڑھ پوسی۔ ٻعے پاسو اسلام آباد اچ پائیدار ترقی دے ادارہ (ایس ڈی پی آئی) دے ایگزیکٹو ڈائریکٹر عابد قیوم سلہری آکھیے جو کوپ 27 سربراہ کانفرنس دے ایجنڈے اچ موسمیاتی تبدیلی نال نقصان کوں پواوݨ پاکستان دی وݙی کامیابی اے، موسمیاتی تبدیلیاں پورے ڄڳ کیتے خطرہ ہین، روز سیلاب، گرمی دی لھر، سمندری طوفان اتے ودھدیاں بارشاں ڄھیں آفتاں تے دید پاوݨ دی لوڑھ اے، ایندے نال آفتاں نال نٻݨݨ کیتے جامع طریقہ کار اتے عالمی اتفاق رائے سانڳے مواقع نکلسن۔ پاکستان اچ سیالا لڳ ڳئے، ودھ بارشاں اتے چھل پاروں تقریباً 80 لکھ لوک بے گھر تھی تے عارضی پناہ گاہواں اچ رہݨ تے مجبور ہین، 10 لکھ حاملہ تریمتیں کوں طبی امداد، لکھاں ٻالاں کوں صحت اقدامات اتے سیلاب متاثرین کوں وبائی امراض توں بچاوݨ کیتے ہنگامی اقدامات دی لوڑھ اے۔
