اسلام آباد۔29جنوری(اے پی پی)وزیر خارجہ مخدوم شاہ محمود قریشی آکھیے جو افغانستان اچ امن اتے استحکام پاکستان کیتے ضروری اتے بہوں اہم اے، افغانستان اچ امن و استحکام دا تعلق ’’ایس سی او‘‘ریاستاں نال جڑیا ہوئے، عالمی برادری سارے فریقاں تے زور ݙیوے جو او تشدد اچ ڳھٹکی کرݨ اتے جنگ بندی کیتے من ونڄن ، افغانستان اچ پاکستان دا کوئی خاص پسندیدہ (فیورٹ)کائنی، اساں بین الافغان مذاکرات دے نتائج دا احترام کریسوں، امن عمل کوں شرپسند لوڳاں دی شرانگزیاں توں محفوظ بݨاوݨ دی لوڑھ اے، افغانستان اچ امن نال سارے ڄڳ کوں بہوں فائدہ تھیسی۔ او اسلام آباد پالیسی ریسرچ انسٹی ٹیوٹ (آئی۔پی۔آر۔آئی) اتے انسٹی ٹیوٹ فار سٹرٹیجک اینڈ ریجنل سٹڈیز (آئی۔ایس۔آر۔ایس) ازبکستان دا ”افغان امن عمل اتے شنگھائی تعاون تنظیم“ دے موضوع تے سیمینار نال خطاب کریندے پئے ہن۔وزیر خارجہ آکھیا جو افغانستان گزریل کئی ݙھاکیاں توں عالمی ایجنڈے تے ہے اتے افغانستان اچ امن اتے استحکام پاکستان کیتے بہوں ضروری اے ، ساݙا سارے فریقاں کیتے اے سنیہا اے جو افغانستان اچ پاکستان دا کوئی خاص پسندیدہ (فیورٹ) کائنی، اساں بین الافغان مذاکرات دے نتائج دا احترام کریسوں اتے نال نال امن عمل کوں اندروں اتے باہروں خراب کرݨ آلے لوڳاں دی شرانگزیاں توں محفوظ بݨاوݨا پوسی، اپݨے حصے دے طور تے پاکستان افغان قیادت اچ افغانیاں کوں قبول عمل کی حمایت جاری رکھسی.
