واشنگٽن -24 آڪٽوبر (اي پي پي ) ناڻي واري وفاقي وزير سينيٽر محمد اورنگزيب سان اسلامي واپاري مالياتي ڪارپوريشن ( آئي ٽي ايف سي ) جي وفد جي سي اي او انجنيئر هاني سالم سنبول جي قيادت ۾ ملاقات ڪئي ۽ گڏيل دلچسپي وارن معاملن تي خيالن جي ڏي وٺ ڪئي . ناڻي واري وزير پاران جاري ڪيل بيان موجب ناڻي واري وزير ايندڙ ٽن سالن ۾ فريم ورڪ معاهدي تحت 3 ارب آمريڪي ڊالرن جي ڪموڊٽي فنانسنگ بشمول 269 ملين آمريڪي ڊالرن جي سڌي ريت ۽ سينڊيڪيشن ذريعي فنانسنگ فراهم ڪرڻ تي آئي ٽي ايف سي جي حمايت جي واکاڻ ڪئي. ناڻي واري وزير ان سلسلي ۾ حڪومت جي مڪمل حمايت جو يقين پڻ ڏياريو.
