اسلام آباد ۔ 30 جنوری (اے پی پی) د دفاع وزير انجنیئر خرم دستګیر خان وئيلي دي پاكستان په نړۍ كښې د ترهګرۍ مخنيوي ترټولو لوئې آپرېشن “ضرب عضب” پیل كړې كوم چې كاميابۍ سره مخ په وړاندې روان دے۔ پاکستان ګردې اسلامي نړۍ ته د ترهګرۍ مخنيوي تربيه كښې د مرستې پېشكش كړې۔ پاكستان به په پاك افغان پوله 2600 كلوميټر اوږد خاردار تار په هر صورت لګوي۔ د هېواد دفاع په شمول هره څانګه مستحكم كولو له به تر 10 كلونو 7 فيصد جي ډي پي په ځائې ساتل وي۔ د چين اعلی مشرتابه پاكستان اوس خپل فولادي ورور او د هر موسم ملګرې ګرځوي۔ د پاكستان د دفاع او د اولس د ځان او مال ساتنې له به ټول صلاحيتونه او وسيلې كاروؤ۔ د ترهګرۍ په ضد جنګ كښې پاك پوځ ٬ امنيتي ځواكونو او اولس ځانګړې قربانۍ وركړې دي۔ د شهيدانو قربانۍ به بې ځايه نه ځي۔ نړيوالې ورورولۍ له به زمونږ قربانۍ منل وي۔ ده د نهې په ورځ د دفاع وزارت كښې د ابلاغ نمائندګانو سره غېر رسمي خبرې كولې۔ وفاقي وزير ووئيل جیو اسټرېټجک سیاست منطقې ته بېرته راغلې۔ د پاكستان او روسيه وسله والو ځواكونو په ګډه جنګي مشقونه پېل كړي دي۔ د پاکستان او ايران ترمينځھ اړيكې ښه كېدو پلو روانې دي۔ د پوځ سرلښكر جنرال قمر جاوېد باجوه ايران دورې سره اړيكې لا ښه شوي دي۔ ده ووئيل د هندي وزيراعظم پالېسۍ په جارحيت اډانه دي۔ هند په كال 2017 كښې په لائن آف کنټرول 2 زره څخه زيات ځله د سيز فائر خلاف ورزۍ كړې دي۔ ددې په ځواب كښې پاكستان هر ځل سم ځواب وركړې او سباؤن كښې به ئې هم وركوي۔ ده ووئيل د ترهګرۍ په ضد جنګ كښې د پاك پوځ كاميابو عملياتو په سوب اوس پاكستان كښې د ترهګرو د پټېدو هېڅ ځائې نشته۔ ده ووئيل په اوسنو خبرو اترو كښې امريكائي چارواكو دا وئيلي د کولیشن سپورټ فنډ 1.3ملین ډالر مرسته مو منع كړې نه ده بلكې منجمد كړې۔ د امریکائي اولس شمر ټوئېټ څخه وړاندې امريكائي مرسته كښې كمې راتلل پېل شوي وو۔ كال 2012 څخه وروستو امريكائي پوځي مرسته 62 فيصد كمه شوې
