اسلام آباد 01 مارچ (اے پی پی)وزيراعظم شاهد خاقان عباسي وئېلي دي حكومت په خاص توګه د رياضۍ او سائنس په مېدان كښې د معياري تعليم ودې لپاره د پراخا اقداماتو ضرورت محسوسوي٬دې مقصد لپاره به د هر تجويز هركلے كوي۔ده دا خبره د پاكستان الائنس فارميته اينډ سائنس پلاوي سره په خبرو كښې كړی چا چې د زيارت په ورځ په وزيراعظم آفس كښې دوي سره ملاقات كولو۔پلاوي كښې ډاكټر نيلو فرهلائي٬مشرف زيدي٬ډاكټر منظور سومرو٬محترمه هما ضياﺀ ٬نمرا طارق٬سلمان نويد خان٬ محترمه لاله رخ٬ عبدالرؤف٬ پرتاب شيواني٬جنيد دهارم٬ډاكټر فيصل خان او محترمه ندا بخاري شاملې وې۔د پلاوي غړو وزيراعظم ته په زده كوونكو كښې د سائنس او رياضياتي علوم كښې د خوښۍ لرلو پېدا كولو لپاره الائنس فارميته اينډ سائنس هلو ځلو په اړه خبر ووئېل كوم چې د هېواد د سماجي او اقتصادي پرمختګ لپاره مهم دي۔پلاوي وزيراعظم ته په ټول هېواد كښې د سائنس او رياضۍ په څانګو كښې د معيارۍ تعليم ودې لپاره يو شمېر تجويزونه هم وړاندې كړل۔په دې تجويزونو كښې په سكولونو كښې د سائنس٬ليبارټرو او لائبريرو جوړول ٬د پاكستان سائنس فاؤنډېشن استحكام او د شريكې ګټې كونسل پلټ فارم په كار راوستلو سره دې مقصد ته سياسي ملاتړ وركول شامل دي۔وزيراعظم د تجويزونو هركلے كولو سره پلاوي له باور وركړو چې حكومت په خاص توګه د رياضۍ او سائنس په مېدان كښې د معياري تعليم ودې لپاره د اقداماتو كولو د ضرورت څخه خبر دے۔ده ووئيل د هېواد اوسني بشري وسائل په غوره انساني اثاثه بدلولو لپاره ځوانو ذهنونو ته سائنسي او تكنيكي تعليم وركول ډېر ضروري دي۔ده ووئيل صوبائي حكومتونو ته په دې لړ كښې د مشرۍ كردار ترسره كول ضروري دي ځكه چې د تعليم څانګه د اتلسم بدلون له مخې صوبو ته وركړی شوې۔ده په هېواد كښې د معياري تعليم ودې لپاره ځينې مهم اقداماتو لپاره الائنس سره په ګډه كار كولو له د وفاقي حكومت لخوا د هر ډول ممكنه مرستې باور وركړو
