اسلام آباد 09 مارچ (اے پي پي) د علامه اقبال اوپن پوهنتون اسلام آباد د اسلامي علومو څانګې سكالر محمد واحدالله ايوب الازهري پي اېچ ډي وكړه۔ د هغه د مقالې نګران د علامه اقبال اوپن پوهنتون د حدېث او سېرت څانګې چيئرمېن پروفېسر ډاكټر علي اصغر چشتي و۔ د سكالر اېكسټرنل اېګزامينر د پېښور پوهنتون پروفېسر ډاكټر حافظ عبد الغفور و۔ سكالر تېره ورځ د پوهنتون په مركزي كېمپس اسلام آباد كښې د يوې دستورې په مهال د خپلې تحقيقي مقالې په كاميابۍ سره دفاع وكړه۔ سكالر په مصر كښې په شلمه پېړۍ كښې په علم حدېث د شوي كار تحقيقي مطالعه كړې او خپل تحقيق لپاره ئې د مصر سفر هم كړې۔ واحد الله ايوب د اے پي پي خبري اژانس د پښتو په څانګه كښې د خبريال په توګه كار كوي۔ د پوښتو څانګې ټولو كاركوؤنكو په دې بريا واحد الله ايوب ته مباركي وركړې۔
