اسلام آباد – 13 جولاءِ (اي پي پي) وزيراعظم محمد نواز شريف استعيفيٰ نه ڏيڻ جو واضح اعلان ڪيو آهي جنهن جي ڪابينا ميمبرن زبردست آجيان ڪندي سندس ان فيصلي جي توثيق ڪئي آهي. وفاقي ڪابينا جو اجلاس وزيراعظم محمد نواز شريف جي صدارت ۾ هتي وزيراعظم آفيس ۾ ٿيو. وزيراعظم چيو ته جمهوريت فروش سازشي ٽولي جي چوڻ تي استعيفيٰ ڏئي ڇڏيان؟ الله جي فضل ۽ ڪرم سان منهنجي ضمير تي ڪو بار نه آهي. مسلم ليگ (ن) استعيفيٰ جو مطالبو ڪندڙن جي مجموعي ووٽن کان وڌيڪ ووٽ کنيا آهن. وفاقي ڪابينا ميمبرن وزيراعظم کي استعيفيٰ نه ڏيڻ جي واضح اعلان جي زبردست آجيان ڪئي، ميمبرن ڊيسڪون وڄائي فيصلي جي توثيق ڪئي.
