اسلام آباد۔6نومبر (اے پی پی) وزیراعظم محمد شہباز شریف آکھیا جو کوپ – 27 کانفرنس ماحولیاتی تبدیلی اتے عالمی حدت دے خلاف سنگ میل ثابت تھیسی۔ موسمیاتی تبدیلی دے اثرات کوں ںظر انداز کرݨ مجرمانہ وسلائی ہوسی۔ آݙت وار کوں آپݨے ٹویٹ اچ وزیراعظم آکھیا جو کوپ-27 کانفرنس دا مصر اچ انعقاد ماحولیاتی تبدیلی اتے عالمی حدت دے خلاف انسانیت دی جنگ اچ ہک سنگ میل ثابت تھیسی۔ ایں ویلھے پاکستان اتے افریقہ اچ ٻہوں موسمی واقعے ماحولیاتی تبدیلی دی عالمگیریت کوں نشابر کیتے۔ ایندے مہلک اثرات تے اکھیں موٹݨ وسلائی ہوسی۔ انہاں آکھیا جو جی 77 دی صدارت کریندیں ہوئیں دنیا تے زور ݙیسوں جو او کلائمیٹ فنانسنگ اتے نقصانات دے ازالہ کیتے فنڈ دے طور آپݨے وعدے کرے۔ انہاں آکھیا جو مالی مدد دے بغیر ترقی پذیر ملک موسمیاتی تبدیلی دے خطرات توں ݙوچار رہسن۔ اڄوکے قدرتی آفات دے بعد ضروریات دے جائزہ نال اے ڳالھ سامھے آئی اے جو قرضے، توانائی اتے خوراک دی عالمی سطح تے ودھدی ہوئے نرخ اتے فنڈز دی ڳھٹکی پاروں متاثرین دی بحالی کیتے اساݙی کوششاں اچ رکاوٹ آسڳدی اے۔ دنیا پاکستان کوں کیس سٹڈی سمجھے۔
