اسلام آباد۔22اگست (اے پی پی) صدر مملکت ڈاکٹرعارف علوی آکھیا جو مخیر حضرات، فلاحی ادارے اتے معاشرے دے ٻئے طبقیاں کوں بزرگاں دی ݙیکھ ٻھال کیتے خصوصی کوشش کرݨی چاہیدی اے۔ اے ڳالھیں انہاں اولڈ ایج ہوم عافیت ملتان دے وفد نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔ صدرمملکت آکھیا جو اسلام بزرگاں دے احترام اتے انہاں دا خیال رکھݨ کوں اہمیت ݙیندے۔ ایں بارے والدین اسلامی تعلیمات دے مطابق اولاد دی چنڳی تعلیم تے تربیت دا بندوبست کرن۔ صدر مملکت بزرگاں دا خیال رکھݨ تے تارے زمین پر ٹرسٹ اتے عافیت دے کردار دی تعریف کیتی۔ صدرمملکت بزرگاں کیتے ظہرانے دا اہتمام وی کیتا۔
