برسلز۔31جنوری (اے پی پی):نگران وزیر خارجہ جلیل عباس جیلانی برسلز اچ یوم یکجہتی کشمیردی مناسبت نال تصویری نمائش دا افتتاح کرݙتے۔ تصویری نمائش دا انعقاد پاکستانی سفارت خانہ اچ کیتا ڳئے جیں اچ بھارتی غیر قانونی مقبوضہ جموں و کشمیر دے مظلوم عوام دی حالت زار دی عکاسی کیتی ڳئی اے ۔ برسلز اچ پاکستانی سفارت خانہ دی ھک پریس ریلیز دے مطابق ایں موقع تے ڳالھ کریندے ہوئیں وزیر خارجہ آکھیے جموں و کشمیر دے بہادر پُتراں تے دھیریں بھارت دے جبر و تسلط دا بہادری نال مقابلہ کیتے۔ اڄ اساں کشمیر کاز دے شہداء اتے بھارتی ظلم دا شکار تھیوݨ آلیں کوں خراج عقیدت پیش کریندوں ۔ بھارت کشمیریاں دے جذبہ حریت کوں پامال کرݨ اچ ناکام رہیے تے انہاں دیاں قربانیاں تاریخ اچ یاد رکھیاں ویسن ۔
