اسلام آباد۔28اگست(اے پی پی) وفاقی وزیر مواصلات، نجکاری و سرمایہ کاری بورڈ عبدالعلیم خان آکھیے کراچی توں سکھر اتے سیالکوٹ، کھاریاں توں اسلام آباد دی موٹرویز اولین ترجیح اے،نیشنل ہائی وے اتھارٹی کوں نویاں سڑکاں تے ودھ توں ودھ ریونیو کٹھا تھیوݨا چاہیدے ،نیشنل ہائی وے اتھارٹی کوں مستقبل اچ مالی لحاظ نال مستحکم اتے خودمختار ہووݨا چاہیدے ۔ اے ڳالھ وفاقی وزیر نیشنل ہائی وے اتھارٹی دی طرفوں محکمانہ بریفنگ اچ آکھی اے ۔وفاقی وزیر کوں نیشنل ہائی وے اتھارٹی دی طرفوں محکمانہ بریفنگ ݙتی ڳئی ۔ایں موقع تے وفاقی وزیرعبدالعلیم خان آکھیے کراچی توں سکھر اتے سیالکوٹ، کھاریاں توں اسلام آباد دی موٹرویز اولین ترجیح ہن، انھاں ݙوہیں اتے ساری نویں موٹرویز کوں گھٹ توں گھٹ ترائے لین اچ بݨݨا چاہیدے ۔ انھاں آکھیے 6 لین دی ݙو طرفہ موٹرویز توں گھٹ دی کوئی نویں موٹروے نہ بݨسی ۔انھاں آکھیے نیشنل ہائی وے اتھارٹی کوں نویں سڑکاں تے ودھ توں ودھ ریونیو کٹھا تھیوݨا چاہیدے ۔وفاقی وزیر ہدایت کیتی جو موٹرویز تے ایکسل لوڈ دی پابندی سختی نال یقینی بݨاون، خلاف ورزی نی تھیوݨی چاہیدی ، نیشنل ہائی وے اتھارٹی توں کرپٹ اتے نااہل عملے کوں فارغ کرن، عملی کارکردگی ودھاوݨی ہوسی ۔جتھاں ریونیو اچ مسئلے ہوسن اتھاں ٹول کولیکشن نجی شعبے دے حوالے کرو،ھک سال اچ نیشنل ہائی وے اتھارٹی اپݨے ریونیو دا نواں ہدف طے کرے،صرف حکومت اتے ٻئے اداریں توں بارے فنڈ گھنݨ تے انھاں کوں خرچ کرݙیوݨ کوئی کمال کائنی ۔ چئیرمین نیشنل ہائی وے اتھارٹی وفاقی وزیر کوں ݙسائے جو این ایچ اے دی 57 فیصد شاہراہواں توں صرف 13 فیصد ٹول ٹیکس ملدے ۔ وفاقی سیکرٹری مواصلات وی این ایچ اے دی شاہراہواں سانڳے بریفنگ اجلاس اچ شرکت کیتی۔بریفنگ اچ وفاقی وزیرݙسایا نیشنل ہائی وے اتھارٹی کوں مستقبل اچ مالی لحاظ نال مستحکم اتے خودمختار ہووݨا چاہیدے ، ذرائع آمدورفت چنڳی بݨاوݨ اولین ترجیح، موجودہ تقاضیں موجب بزنس ماڈل بݨاوݨا ہوسی ۔وفاقی وزیر ہدایت کریندے آکھیے این ایچ اے اچ نواں وژن گھن آوݨا اے ٻئے ملکاں اچ کم کرو تے پیسہ کماؤ
