اسلام آباد۔19جون (اے پی پی):صدر مملکت ڈاکٹر عارف علوی الیکشن ترمیمی ٻل بغیر دستخط دے واپس کرݙتا۔ اتوار کوں ایوان صدر پریس ونگ توں جاری تفصیل موجب صدر مملکت ڈاکٹر عارف علوی آکھیے جو او الیکٹرانک ووٹنگ مشیناں تے اوورسیز پاکستانیاں دے ووٹنگ دے معاملے تے ھک ݙھاکے توں ودھ عرصے نال جڑیے رہیے تے ساریاں حکومتاں، پارلیمنٹ تے سپریم کورٹ اچ ایندی پیروی کریندے رہین او آئین دی پاسداری کریندے رہیے انہاں کوں ایں ڳالھ دا ادارک اے جو آئین پاکستان انہاں دے ایں ٻل تے دستخط نہ کرݨ دے باوجود اینکوں قانون دی شکل ݙے ݙیسی۔صدر مملکت پاکستان دے آئین دے آرٹیکل 75 (2) دا حوالہ ݙتا جیں اچ آکھیا ڳئے جو ” صدر دے مجلس شوریٰ (پارلیمنٹ) کوں ٻل واپس کرݨ تے مجلس شوریٰ (پارلیمنٹ) مشترکہ اجلاس اچ ایں تے ول غور کریسی ۔ جے اے مجلس شوریٰ (پارلیمنٹ) دے ذریعے، ترمیم دے نال ایں دے بغیر اکثریت دے ووٹاں توں ول منظور کیتا ویندے تاں اینکوں صدر دے سامݨے پیش کیتا ویسی تے صدر ݙاہ ݙینھ اچ آپݨی منظوری ݙیسن ، ایویں نہ کرݨ دی صورت اچ ٻل دی منظوری تصور کیتی ویسی ۔
