اسلام آباد۔23جون(اے پی پی):وفاقی وزیر دفاع خواجہ محمد آصف آکھیے ملک اچ اقلیتاں دے خلاف ودھدے واقعات پوری شرمساری دا باعث ہن ، ایں ملک اچ وسݨ آلے سارے مذہب دے لوک صرف پاکستانی ہن ، پاک فوج دہشت گردی دے خلاف قربانیاں ݙیندی پئی اے ،ایپکس کمیٹی دی سفارشات ایوان اتے کابینہ اچ پیش کیتیاں ویسن ۔ قومی اسمبلی اچ ڳالھ کریندے ہوئیں انہاں آکھیے اقلیتاں دے معاملے تے ایں ویلھے ایوان اچ ھک صلاح ہووݨی چاہیدی اے کیوں جو اے کوئی سیاسی یا متنازع مسئلہ کائںی ،پاکستان دی بدنامی تھیندی پئی اے جݙاں جو اپوزیشن سنجیدہ کائنی ، اساکوں ڳالھیں مندے ݙتے ویندے پئن اے ٻہوں شرم دی ڳالھ اے ایجھا معاملہ اے جو ایں تے پوری قوم کوں شرمسار تھیوݨا چاہیدے اساں ایں حوالے نال ھک قرارداد پیش کرݨ چاہندوں جو ایں ملک اچ اقلیتاں دے رہݨ دا وی اتنا حق اے یہ ملک دے ھک اکثریت کائنی اے ملک سارے پاکستانیاں دا اے بھاویں او مسلمان ، عیسائی ،سکھ یا کہیں وی مذہب نال تعلق رکھیندا ہووے ساݙا آئین اقلیتاں کوں مکمل تحفظ ݙیندے ۔ وزیردفاع آکھیے سوات،فیصل اباد، سرگودہا جیہے واقعات لمحہ فکریہ اے جݙاں جو ایں موضوع تے پاکستان دی ساریں توں وݙے ایوان اچ ڳالھ کیتی ویندی اے تاں اپوزیشن نعرے بازی کرتے ایں آواز دا ڳل گھٹݨ دی کوشش کریندی ہے اے قومی کائنی بلکہ آپݨے ذاتی مفادات دا تحفظ کریندے پئن ۔
