راولپنڈی۔29مئی (اے پی پی):پاکستان عالمی برادری نال رل تے امن دی حفاظت کرݨ آلیں دے جڳ ݙیھاڑ تے اقوام متحدہ دے امن مشنز اچ خدمات انجام ݙیوݨ آلے بہادر مرد اتے تریمتاں کوں خراج تحسین پیش کیتے ۔ آئی ایس پی آر موجب پاکستان اقوام متحدہ دے امن مشن اچ ساریں توں زیادہ تعاون کرݨ آلے ملکاں اچوں ھک اے ۔ ایں ویلھے تقریباً 3000 پاکستانی سیکورٹی اہلکار کانگو، جنوبی سوڈان، ابی، وسطی افریقی جمہوریہ، قبرص، مغربی صحارا تے صومالیہ اچ مشنز اچ خدمات انجام ݙیندے پئن ۔1960 دے بعد توں ، پاکستان پوری دنیا دے تقریباً سارے براعظماں دے 29 ملکاں اچ اقوام متحدہ دے 48 امن مشنزاچ ݙو لکھ 35 ہزار سکیورٹی اہلکار ݙتن ۔ آئی ایس پی آر موجب پاکستان کوں اقوام متحدہ دے قیام امن مشنز سانڳے آپݨی پراݨی جڑت تے ماݨ اے ۔ ساݙے امن دستیں جھیڑیں توں متاثرہ علاقیں اچ امن تے استحکام کوں ودھاوݨ سانڳے غیر معمولی جرات، پیشہ ورانہ مہارت اتے لڳن دا مظاہرہ کیتے۔ مجموعی طورتے 181 پاکستانی سکیورٹی اہلکاراں فرائض نبھاوݨ اچ جاناں دی قربانی پیش کیتی ۔امن دے جڳ ݙیھاڑ تے اساں عالمی امن دے عظیم مقصد سانڳے انہاں دی خدمات اتے قربانیاں کوں خراج تحسین پیش کریندوں۔
