اسلام آباد – 24 ڊسمبر (اي پي پي) وزيراعظم جي احتساب بابت خصوصي معاون شهزاد اڪبر چيو آهي ته جعلي اڪائونٽس بابت جي آءِ ٽي رپورٽ ۾ آصف علي زرداري ۽ اومني گروپ جي جعلي اڪائونٽس ذريعي اربين رپين جي منتقلي ثابت ٿي چڪي آهي، ان ڪيس جي سمورن ڪردارن تي 16 جدا جدا ريفرنسز داخل ۽ اثاثا منجمند ڪرڻ جي سفارش ڪئي وئي آهي. هو اطلاعات ۽ نشريات واري وفاقي وزير چوڌري فواد حسين سان گڏ پريس ڪانفرنس کي خطاب ڪري رهيو هو.
