اسلام آباد۔2دسمبر (اے پی پی) وزیراعظم محمد شہباز شریف آکھیا جو پاکستان اتے چین وچال تعلقات ہر دور اچ ٻہوں قابل اعتبار اتے مثالی رہین۔ وزیراعظم آفس دے میڈیا ونگ توں جاری بیان موجب وزیراعظم اے ڳالھیں چائنا کنسٹرکشن تھرڈ انجنئیرنگ بیورو دے وفد نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ وفد دی سربراہی کمپنی دے وائس چئیرمین تان گو فو کریندے پے ہن۔ملاقات اچ وزیراعظم آکھیا جو پاکستان اتے چین وچال آپسی تعلقات مثالی ہن۔ وزیراعظم شہباز شریف دی چائنا کنسٹرکشن تھرڈ انجنئیرنگ بیورو کوں پاکستان اچ قابل تجدید توانائی منصوبیاں اچ سرمایہ کاری دی دعوت ݙتی۔ وزیراعظم چھل متاثرین دی مدد کیتے مختلف شہیں عطیہ کرݨ تے کمپنی دا شکریہ ادا کیتا۔ ملاقات اچ وزیر اعظم دے معاونین خصوصی طارق فاطمی، ظفرالدین محمود اتے متعلقہ اعلی سرکاری حکام وی موجود ہن۔
