اسلام آباد۔31اگست(اے پی پی) نگران وفاقی وزیر اطلاعات و نشریات مرتضیٰ سولنگی سوات توں تعلق رکھݨ آلے سینئر صحافی فیاض ظفر تے مبینہ تشدد اتے حراست دا نوٹس گھندے ہوئیں فیاض ظفر تے تشدد اتے انہاں دی گرفتاری دی رپورٹ منگ ڳھدی ۔ نگران وفاقی وزیر اطلاعات خمیس کوں فیاض ظفر نال پیش آوݨ آلے واقعے تے متعلقہ حکام نال رابطہ کیتے ۔ ایں موقع تے ڳالھ مہاڑ کریندے ہوئیں نگران وزیر اطلاعات آکھیے آئین دے مطابق میڈیا اتے اظہار رائے دی آزادی تے مکمل یقین رکھیندن ۔ متعلقہ حکام واقعہ دی غیر جانبدارانہ تحقیقات یقینی بݨاون اتے ساری تفصیلات ݙتی ونڄے ۔ انہاں آکھیے عہدے دی طاقت صحافیاں دی آواز دباوݨ کیتے استعمال نی تھیوݨی چاہیدی ۔ مرتضیٰ سولنگی آکھیے فیاض ظفر دے معاملے اچ پیش رفت تے نظر رکھیسن تے سارے حقائق سامݨے آوݨ تے میڈیا کوں ݙسیسن۔
.jpg)
