اسلام آباد۔14جنوری (اے پی پی):نگران وزیراعظم انوار الحق کاکڑ ورلڈ اکنامک فورم دے 54 ویں سالانہ اجلاس اچ شرکت سانڳے 15 توں19 جنوری 2024 کوں ڈیووس، سوئٹزرلینڈ دا دورہ کریسن ۔ دفتر خارجہ دی طرفوں جاری تفصیلات موجب نگران وزیراعظم ورلڈ اکنامک فورم توں ’’ ٹریڈ ٹیک ٹریلین ڈالر پرامس‘‘ دے موضوع تے کلیدی خطاب کریسن ، ایں توں انڄ او عالمی جھیڑیں توں بچاوݨ ، بین الاقوامی نظام تے اعتماد دی بحالی اتے اقتصادی مشکلات توں تحفظ دے حوالے نال منعقدہ اہم تقریبات اچ وی شرکت کریسن ۔نگران وزیر اعظم انوار الحق کاکڑ کئی حکومتی اتے کاروباری رہنماواں نال ملاقاتاں توں انڄ ’’ انویسٹ ان پاکستان‘‘ دی تقریب اچ وی شرکت کریسن ۔
