اسلام آباد – 08 جون (اي پي پي) هلندڙ مالي سال دوران پاڻي، ٿرمل، نيوڪليئر ۽ قابل تجديد توانائي جي ذريعن مان بجلي جي مجموعي پيداوار 94.121 گيگاواٽ آور (جي ڊبليو ايڇ) رهي. جاري ٿيل مالي سال 23 -2022ع جي اقتصادي سروي موجب ملڪ ۾ مجموعي طور تي بجلي پيدا ڪرڻ جي گنجائش/صلاحيت (انسٽالڊ ڪيپيسٽي) 41000 ميگاواٽ آهي، جنهن مان 25.8 سيڪڙو پاڻي، ٿرمل 58.8 سيڪڙو، نيوڪليئر 8.6 سيڪڙو ۽ قابل تجديد توانائي جو حصو 6.8 سيڪڙو آهي. جولاءِ کان مارچ 2023ع دوران مجموعي طور تي بجلي جي پيداوار 94.121 گيگاواٽ آور رهي، جنهن ۾ پاڻي جو حصو 28.6 سيڪڙو، ٿرمل 46.2 سيڪڙو،نيوڪليئر 21 سيڪڙو ۽ قابل تجديد توانائي جو حصو 4.2 سيڪڙو رهيو. هلندڙ مالي سال دوران 84034 گيگا واٽ آور بجلي استعمال ڪئي وئي جنهن مان گهريلو صارفين 46.6 سيڪڙو سان بجلي جي استعمال ۾ سر فهرست رهيا. بجلي جي استعمال ۾ صنعتي شعبي جو حصو 28.2 سيڪڙو، زراعت 8.2 سيڪڙو ۽ ڪمرشل شعبي جو حصو 7.8 سيڪڙو رهيو. اقتصادي سروي موجب موجوده مالي سال دوران ڪوئلي مان بجلي پيدا ڪندڙ ٽن نوان پلانٽس جي اضافي سان ٿرڪوئلي مان بجلي پيدا ڪرڻ جي صلاحيت 3300 ميگاواٽ تائين پهچي وئي. پرائيويٽ پاور انفرااسٽرڪچر بورڊ جي مدد سان 16 آءِ پي پيز جيڪي 2031ع تائين مڪمل ٿيندا جن کي بجلي جي پيداواري صلاحيت تقريبن 8338 ميگاواٽ آهي، ٻاهران گهرايل تيل تي ڀاڙڻ گهٽ ڪرڻ ۽ سولر مان توانائي پيدا ڪرڻ جي صلاحيت وڌائڻ لاءِ حڪومت 18 آڪٽوبر 2022ع تي سولرائيزيشن فريم ورڪ لاءِ گائيڊ لائنز جي منظوري ڏني. هلندڙ مالي سال دوران 3530 ميگاواٽ صلاحيت جي 6 نيوڪليئر پاور پراجيڪيٽس مجموعي طور تي 18739 ملين يونٽس فراهم ڪيا.
.jpg)
