اسلام آباد۔11جون (اے پی پی) آئندے مالی سال دے ترقیاتی پروگراماں اچ ٹرانسپورٹ اینڈ کمیونیکیشن دے انفراسٹرکچر شعبے دے ترقیاتی منصوبیاں سانڳے 244 بلین روپے رکھیے ڳئن جئیں نال موٹرویز، ہائی ویز، بین الصوبائی سڑکاں دی تعمیر، ایئرپورٹس اتے ریلوے دے منصوبے شامل ہن۔ وفاقی ترقیاتی پروگرام دے تحت 3261 کلومیٹر دی نویں سڑکاں بݨائی ویسن۔ پلاننگ کمیشن ولوں جاری تھیے اعدادوشمار دے مطابق خیبر پاس اکنامک کوریڈور دے پراجیکٹ سانڳے 8.5 بلین، سکھر حیدرآبادر موٹر وے دی زمین گھنݨ سانڳے 4.6 بلین، ایسٹ بے ایکسپریس وے گوادر سانڳے 2.1 بلین، 210 کلومیٹر این۔ 50 یارک ساگو ژوب سانڳے 1.6 بلین، ایم 8 خوشاب آواران خضدار سیکشن ٹو168 کلومیٹردی تعمیر سانڳے 1.5 بلین، چترال بونی مستور شندور سڑک کیلئے 2 بلین اتے پنجاب اچ موٹروے نال جڑی سڑکاں بݨاوݨ، مین لائن ون ریلوے منصوبے سانڳے 6.2 بلین اتے گوادر ایئرپورٹ سانڳے 1.1 بلین روپے رکھیے ڳئن۔
.jpg)
.jpg)