واشنگٽن-27 ڊسمبر (اي پي پي)فلسطينين جي حمايت ۾ پوسٽ رکڻ تي آمريڪي ليکڪ شان ڪنگ جو انسٽاگرام اڪائونٽ بند ڪيو ويو. تفصيل مطابق آمريڪا جي نامياري ليکڪ ۽ نسل پرستي خلاف آواز اٿاريندڙ انساني حقن جي ميمبر شان ڪنگ جو انسٽا گرام اڪائونٽ بند ڪيوويو. هو ڪجهه ڏينهن کان فلسطينين جي نسل ڪشي خلاف پوسٽون پڻ شيئر ڪري رهيو هو. العربيه اردو مطابق شان ڪنگ چيو ته مون انساني قدرن سان دوکو ڪرڻ کان انڪار ڪيو ۽ اصولن سان ڄمي بيهڻ کي ترجيح ڏني. مان نٿو چاهيان ته غزه ۽ اولهندي ڪناري ۾نسل ڪشي ٿئي. هن پنهنجي پوسٽ ۾ چيو ته مان هاڻي به ائين چوان ٿو ته ڪڏهن به نسل ڪشي خلاف ڳالهائڻ کان نه ڪيٻائيندس ۽ پنهنجو آواز بلند ڪندو رهندس. اهو ئي سبب آهي جو حق لاءِ آواز اٿارڻ تي سندس اڪائونٽ بند ڪيو ويو آهي.
