اقوام متحدہ۔ 26 ستمبر (اے پی پی) پاکستان جھیڑے دا شکار خطے اچ بدلتے ہوئے تے ودھدے ہوئے بے ڈھب خطرات نال نبڑنڑ سانگے اقوام متحدہ دے امن مشن دے مینڈیٹ کوں یقینی بنڑاونڑ اتے انہاں کوں درکار وسائل فراہم کرنڑ تے زور ڈتے۔ وزیرخارجہ شاہ محمود قریشی اقوام متحدہ دی جنرل اسمبلی دے 73 ویں اجلاس دے موقع تے یو این پیس کیپنگ آپریشنز دے حوالے نال ہک اجلاس دے دوران آکھیا جو اقوام متحدہ دے امن مشن دی کامیابی انہاں مشن اچ شامل مردتے تریمت اہلکاراں دیاں قربانیاں دا نتیجہ اے ، اساں امن سانگے جاناں دے نذرانے پیش کرنڑ آلے انہاں اہلکاراں کوں خراج عقیدت پےش کریندوں ۔ وزیر خارجہ ڈسایا جو پاکستان اقوام متحدہ دے امن مشن سانگے افرادی قوت فراہم کرنڑ آلا ہک وڈا ملک اے اوں دنیا دے 46 ملکاں اچ تعینات امن مشن سانگے گزریل 6 عشریں دے دوران 2لکھ سکیورٹی اہلکار فراہم کیتن جیں اچ 156 بہادراں امن سانگے اپنڑیاں جاناں دے نذرانے پیش کیتے ‘وزیر خارجہ ایںموقع تے اقوام متحدہ دے سیکرٹری جنرل انتونیو گوترش دے ایکشن فار پیس کیپنگ منصوبے (A4P) دا خیر مقدم کیتا تے آکھیا جو مختلف امن مشن وچال توازن قائم رکھنڑ بہوں ضروری اے ۔ مطلوبہ مقاصد دے حصول سانگے ایں منصوبے تے ایندی روح دے مطابق عملدرآمد ضروری ہے۔ وزیر خارجہ امن مشن دی ریشنلائزنگ تے انہاں دے مینڈیٹ کو ںترجیح ڈیونڑ تے وی زور ڈتا ‘ انہاں آکھیا پاکستان ہمیشہ اقوام متحدہ دے امن دستے دی کاکردگی بہتر بنڑاونڑ سانگے معاونت کیتی اے او ایں حوالے نال ڈکلریشن دی توثیق کرنڑ آلا پہلا ملک ہے ایں گال دا اعتراف خود سیکرٹری جنرل وی کیتے ۔ایں موقع تے مشترکہ عزائم دے ڈیکلریشن دی وی منظوری ڈتی گی ۔
