اسلام آباد۔7ستمبر(اے پی پی)وزیر دفاع خواجہ محمد آصف آکھیے جو پاکستان اچ ہمیشہ آرمی چیف دی تقرری میرٹ تے تھیندی اے، عمران خان ݙساوݨ کݙاں میرت تے تعیناتی نی تھئی؟ فوج دی قیادت ولوں سینئرترین افسران اچ جیڑھے وی چار یا پنڄ ناں آندن انہاں اچوں ہی وزیراعظم اپݨی مشاورت نال آرمی چیف، نیول چیف یا ایئر چیف لیندن، عمران خان دا افواج پاکستان تے حملہ نویں ڳالھ نئیں، او ڄآݨ بڄھ تے نویں آوݨ آلی عسکری قیادت بارے شکوک کھنݙیندن، عمران خان دے خلاف تحقیقات تھینداں پن اتے فارن فنڈنگ سودھا کئی کیسز اڳو تے ٹردے پن، ہݨ حساب تھیسی، پکے ثٻوت اتے تکڑے شواہد ہتھ لڳدے ہی انہاں تے ہتھ پیسوں۔ اسلام آباد اچ پریس کانفرنس کریندے انہاں آکھیا جو توشہ خانہ بارے تحقیقات دی سفارشات ٻھیڄ ݙتن، 180 ملین پاؤنڈ بارے وی انکوائری مکمل کرڳھدی اے اتے ایندا نیب وی نوٹس ڳھدے۔
