راولپنڈی۔26اپریل (اے پی پی):پاک فوج دے سربراہ جنرل سیدعاصم منیر دا چین دے پیپلز لبریشن آرمی ہیڈکوارٹر پڄݨ تے شاندار استقبال کیتا ڳے،انہاں اتھاں چین دی فوجی قیادت نال ملاقات کیتی جیں اچ خطے اچ امن و استحکام کوں برقرار رکھݨ تے فوجی تعاون ودھاوݨ دی لوڑھ دا اعادہ کیتا ڳئے ۔ آئی ایس پی آر توں جاری بیان موجب پاک فوج دے سربراہ جنرل سید عاصم منیر چین دے سرکاری دورے دے پہلے ݙینھ پیپلز لبریشن آرمی ہیڈکوارٹراچ گارڑ آف آنر پیش کرتے پرتپاک استقبال کیتا ڳئے ۔ایں موقع تے آرمی چیف چینی فوج دے چاق و چوبند دستے دا جائزہ ڳھدا تے انہاں دی پی ایل اے آرمی دے کمانڈر نال تفصیلی ملاقات تھئی جیں اچ سانجھی سلامتی دے امور اتے فوجی تعاون تے ڳالھ مہاڑ کیتی ۔
ݙوہیں فوجی کمانڈراں خطے اچ امن و استحکام کوں برقرار رکھݨ تے فوجی تعاون ودھاوݨ دی لوڑھ دا اعادہ کیتے۔ آرمی چیف پی ایل اے آرمی دے دستیں دی آپریشنل صلاحیتاں دا وی مظاہرہ ݙٹھا ۔ انہاں تربیت دے اعلیٰ معیار اتے فوجیاں دی طرفوں ݙکھائے ڳئے پیشہ ورانہ مہارت دی تعریف کیتی۔آرمی چیف ݙوہیں ملکاں دی فوج دے درمیان پراݨے تعلقات کوں ودھاوݨ کیتے چین اچ فوجی رہنماواں نال مزید ملاقاتاں کریسن ۔ یاد رہے جو اے افتتاحی ملاقاتاں آرمی چیف دے چین دے چار ݙینھ دے دورے دا حصہ ہن۔
.jpg)
