افواج پاکستان حق خود ارادیت دی منصفانہ جدوجہد اچ مقبوضہ کشمیر دے بہادر لوکاں دے نال کھڑی اے، بھارتی اقدامات عالمی قوانین دے خلاف اتے خطے دی سلامتی کیتے خطرہ ہین، ڈی جی آئی ایس پی آر

راولپنڈی ۔5اگست(اے پی پی)پاک فوج دے شعبہ تعلقات عامہ (آئی ایس پی آر) دے ڈائریکٹر جنرل، لیفٹیننٹ جنرل احمد شریف آکھیے جو افواج پاکستان حق خود ارادیت دی منصفانہ جدوجہد اچ مقبوضہ کشمیر دے بہادر عوام دے نال کھڑن، مقبوضہ کشمیر اچ لاک ڈاؤن، علاقے دے آبادیاتی ڈھانچے کوں وٹاوݨ کیتے بھارتی اقدامات اتے انسانی حقوق دی سنگین پامالی بین الاقوامی قوانین دی کھلی خلاف ورزی اتے خطے دی سلامتی کیتے ؤݙا خطرہ اے۔ راولپنڈی اچ پریس کانفرنس کریندے انہاں آکھیا جو خطے اچ پائیدار امن و استحکام کیتے مسئلہ کشمیر اقوام متحدہ دی قرارداداں اتے کشمیری عوام دی امنگاں دے مطابق حل کرݨ ضروری اے، اڄ افواج پاکستان مقبوضہ کشمیر دے شہدا دی قربانیاں کون سلام کریندن، اساں ظلم و غیر قانونی تسلط دے خلاف کشمیریاں دی منصفانہ جد وجہد اچ کشمیریاں دی سیاسی، اخلاقی و انسانی ہمدردی دی بنیاد تے حکومت پاکستان دے مؤقف دی مکمل حمایت کرندے ہیں۔ انہاں آکھیا جو سال 2024 دے پہلے 7 مہینے انسداد دہشتگردی کارروائیاں اچ 139 بہادر افسران و جواناں شہات پاتی اے ڄیکوں قوم خراج تحسین پیش کریندی اے، اے ݙسیندے جو افواج پاکستان، قانون نافذ کرݨ آلے ادارے اتے انٹیلی جنس ایجنسیز پاکستان دی داخلی اتے بارڈر سیکیورٹی یقینی اتے دائمی ٻݨاوݨ کیتے مکمل توجہ ݙتی ہوئی اے، دہشت گردی دے خلاف ساݙی کامیاب جنگ آخری دہشت گرد اتے ایندے نال جڑی دہشتگردی مکاوݨ تئیں جاری رہسی۔ افواج پاکستان کاؤنٹر ٹیررزم اتے فوجی آپریشنز دے علاوہ آرمی عوام کیتے سماجی معاشی منصوبیاں اچ ودھ تے حصہ ڳھندی اے، ایندے اچ ٻہون فلاحی کم ہین جیندے اچ تعلیم، صحت، فلاح و بہبود، معاشی خود انحصاری اتے کئی شعبیاں اچ منصوبے، ڄیڑھے فوج، وفاقی و صوبائی حکومتاں دے تعاون نال مکمل کریندی اے، ساݙی توجہ خاص کر خیبرپختونخوا دے ضم شدہ اضلاع اتے بلوچستان دے متاثرہ علاقیاں تے اے، فلاحی منصوبے آزاد جموں کشمیر اتے گلگت بلتستان سودھا پورے ملک دے ٻئے علاقیاں اچ وی جاری ہین یا مکمل تھی چکین، ایں سانڳے پورے پاکستان خآص کر خیبرپختونخوا اتے بلوچستان دے متاثرہ علاقیاں اچ تعلیمی وسائل کیتے جامع اقدامات کیتن، کئی تعلیمی ادارے ٻݨائن جتھاں، تقریباً 80 ہزار ٻال پڑھدن، پہلا منصوبہ چیف آف آرمی اسٹاف دی یوتھ ایمپلائمنٹ اسکیم اے، جیندے نال انہاں اضلاع اچ 1500 مقامی ٻالاں بشمول ملٹری کالجز اچ مفت تعلیم ݙتی ویندی اے، ٻیا منصوبہ تعلیم ہر کہیں کیتے اے جیندے نال خیبرپختونخوا اچ 7 لکھ 46 ہزار 768 طالب علماں کوں انرول کیتے تاں جو نینگراں کوں ڈیجیٹل اتے ٹیکینکل اسکلز ݙتیاں ونڄن۔ ایویں ہی بلوچستان اچ 60 ہزار طالب علماں کوں 160 سکول اتے کالجز، 12 کیڈٹ کالجز، یونیورسٹیز اتے 3 ٹیکینکل انسٹی ٹیوشن ٻݨائن اتے وظائف رکھیے ڳن جتھاں پاک فوج ولوں تعلیم سودھا سہولیات اتے اخراجات وی ݙتے ویندن، بلوچستان اچ ایف سی اتے پاک فوج 92 اسکول چلیندی پئی اے جتھاں 19 ہزار طالب علم پڑھدن، پاک آرمی ولوں بلوچستان دے 253 طالب علماں کوں متحدہ عرب امارات دی یونیورسٹیاں اچ اعلیٰ تعلیم ݙتی گئی اے۔ ایویں ہی گلگت بلتستان اتے آزاد کشمیر اچ افواج پاکستان 171 اسکول اتے 2 کیڈٹ کالجز ٻݨائن جتھاں علاقے دے 50 ہزار طالب علم پڑھدن، ایندے نال نال سندھ اچ وی ووکیشنل ٹریننگ سینٹرز اتے 100 توں ودھ سرکاری اسکولاں دی اپ گریڈیشن کیتی اے۔ ڈائریکٹر جنرل آئی ایس پی آر آکھیا جو پاک فوج صحت سہولیات کیتے وی کم کیتے، مختلف اضلاع اچ میڈیکل کیمپس اچ ہک لکھ 15 ہزار مریضاں دا مفت علاج کیتے، صوبہ بلوچستان اچ 2024 اچ 87 میڈیکل کیمپ لائن، حکومت نال رل تے پولیو مکاوݨ لو وی کم کیتے پولیو ٹیماں نال 66 ہزار توں ودھ سیکیورٹی اہلکار رہین۔ پاک فوج انفرااسٹرکچر سانڳے وی ہتھ ونݙائے، خیبرپختونخوا اچ انفراسٹرکچر بحالی کیتے 3293 منصوبے مکمل کیتن جیندے اچ میر علی ہسپتال، لیکسن مارکیٹ ڈگری کالج میرانشاہ، گرلز ہائی اسکول وانا، روڈ وانا بائی پاس دی تعمیر، مقامی افراد کیتے ایگریکلچر پارک وانا اتے جنڈولہ مارکیٹ دے علاوہ کڄھ اہم پروجیکٹس وی چلیندے ہیں جیندے نال مقامی آبادی کوں روزگار اتے ٻیان سہولتاں ملدن۔ بلوچستان اچ تعلیم، صحت اتے صاف پاݨی ترجیح اے جیندے کیتے 912 منصوبے مکمل کیتن، سڑکاں اتے پلان دے منصوبے وی مکمل کیتن، آرمی چیف ولوں گوادر دے عوام کیتے تعلیم، صحت، پاݨی اتے روزگار سانڳے 104 مختلف منصوبیاں تے کم تھیندا پئے، گوادر اچ واٹر ڈی سیلینیشن پلانٹ اتے پاک چائنا فرینڈشپ ہسپتال ٻݨائے۔ پنجگور اچ متحدہ عرب امارات نال رل تے ڈیٹس پروسیسنگ پلانٹ ٻݨائے، چمن ماسٹر پلان اچ 94 ایکڑ تے مختلف تعمیراتی منصوبے شروع کیتن، افواج پاکستان گرین انیشیٹو، فوڈ سیکیورٹی کیتے حکومت دے اقدامات اچ ہتھ ونݙیندے پن۔ نوجوان نسل کیتے انفارمیشن ٹیکنالوجی حب دا منصوبہ اہم اے، جیندے کیتے ڈی ایچ اے کوئٹہ، پشاور ملتان اتے اسلام آباد اچ 3 ہزار نینگراں کوں رجسٹرڈ کیتے ڄݙاں جو پاک فوج پورے ملک اچ سکیورٹی فرائض وی انجام ݙیندی پئی اے، سی پیک منصوبیاں تے وی اہلکار تعینات ہین، افواج پاکستان ٹیکس دی مد اچ 23 ارب روپے جمع کرویندی اے، سال 2022، 23 اچ ٹیکس اتے ڈیوٹیز دے ہک سو ارب روپے جمع کرائن۔ پاکستان فوج دے رفاعی و ذیلی اداریاں مجموعی طور تے تقریبا 260 ارب روپے ٹیکس اتے ڈیوٹیز قومی خزانے اچ ݙتن، لکھاں ٹٻر پاک فوج دے اداریاں توں ملازمت اتے روزگار ڳھندن۔ انہاں آکھیا جو پاکستان دہشت گردی دے خلاف وݙی جنگ لڑی اے، شہید ساݙے متھے دا جھمر ہین، شہدا دے خانداناں، آپریشنز اچ زخمی غازیاں کیتے جامع پیکجز مختص ہین۔ انہاں آکھیا جو پاک فوج ہک قومی فوج اے، جیندے اچ ہر رنگ، نسل اتے مذہب اتے فرقے دے لوک شامل ہین، اے ہک گلدستہ اے ڄیڑھا میرٹ دی بنیاد تے ہک سسٹم دے تحت کم کریندے، تہوں ایندے ہر افسر اتے جوان دی ترجیح پاکستان اے جیندے کیتے ہر قربانی ݙیوݨ کوں تیار ہیںِ جیندا سہرا پاکستان دی بہادر ماواں کوں ویندے، اسان صرف پاکستان دی ترقی دی سوچ ڳھن تے ٹردے ہیں، پاکستان اچ مافیا نئیں چاہنداں جو پاکستان دے عوام ترقی کرن اتے ایندی فلاح ہووے، ایکوں ݙکھ اے جو فوج کیوں عوام دی ترقی و فلاح و بہبود کیتے کم کریندی اے، اے مافیا سمجھدے جو ایندی کامیابی عوام کوں مجبور و غریب رکھݨ اچ اے، میں اڄ ولا آکھساں جو ڄݙاں گھر اچ ٻھا لڳی ہووے تاں اے نئیں پچھیندا جو ٻھا ٻڄھاوݨ کیوں آئے وے، ضروری اے ہوندے جو ٻھا لاوݨ آلے کوں سنڄݨیجے۔ ساکون لوڑھ اے جو اساں ایں مافیا کوں وکوں سنڄاݨوں، اوکوں ولدا ݙیووں جو تساں کڄھ وی کر ڳھنو ساݙا کڄھ نوے وڳاڑ سڳدے۔ انہاں تیل سمگلنگ تے آکھیے جو مسلے دا حل اے نئیں جو بارڈر سیل کر ݙیووں، ایندے تے کم تھیندا پئے ایں سانڳے مرحلہ وار متبادل روزگار اتے سہولیات ݙتیاں ونڄن، فوج اتے ایف سی غیر قانونی طور تے سامان دی تجارت مکاوݨ کیتے مستقل کوشش کریندی پئی اے، اے سب کڄھ فوج، ایف سی، قانون نافذ کرݨ آلے اداریاں اتے ساریاں دی کوشش نال ہی تھئے ٻھل ایندا مستقل اتے طویل مدتی حل ضروری اے۔