اسلام آباد۔13اکتوبر(اے پی پی)کراچی اچ تھیوݨ آلے بلدیاتی اتے 11 حلقیاں (قومی اسمبلی دے 8 اتے پنجاب اسمبلی دے 3 حلقیاں) اچ ضمنی انتخابات کیتے وزارت داخلہ رینجرز، فوج اتے ایف سی دی تعیناتی دی منظوری ݙتی ڳئی اے۔ پاک فوج کوئیک رسپانس فورس دے طور تے کم کریسی جیندا نوٹیفکیشن جاری کر ݙتا ڳئے۔ وزارت داخلہ الیکشن کمیشن آف پاکستان کوں ݙسا ݙتے۔ رینجرز یا ایف سی اہلکار پولنگ سٹیشناں دے ٻاھرو ݙیوٹی ݙیسن۔ ضمنی انتخابات کیتے اے تعیناتیاں 15 تا 17 اکتوبر تئیں ہوسن۔ کراچی ڈویژن دے سارے 7 اضلاع اچ 23 اکتوبر کوں شیڈول بلدیاتی انتخابات کیتے فوج، رینجرز اتے ایف سی وی تعینات ہوسی۔ این اے 22 مردان، این اے 24 چارسدہ، این اے 31 پشاور، این اے 237 ملیر کراچی ، این اے 239 کورنگی کراچی، این اے 108 فیصل آباد، این اے 118 ننکانہ صاحب، این اے 157 ملتان، پی پی 139 شیخوپورہ، پی پی 241 بہاولنگر، پی پی 209 خانیوال اچ ضمنی انتخابات 16 اکتوبر کوں تھیسن۔
.jpg)
